“Pyaar… ya junoon?”

Kabhi kabhi farq samajhne me poori zindagi lag jaati hai.

Aur kabhi… ek maut.

Main hoon IRA .

Aur maine pyaar kiya tha.

Ya shayad… mujhe laga tha ki maine pyaar kiya.

Main uske peeche bhagti rahi…

uski ek nazar ke liye, uski ek smile ke liye, uske ek “haan” ke liye.

Mujhe lagta tha…

agar wo mil gaya, toh meri zindagi complete ho jayegi.

Par mujhe kya pata tha…

main apni zindagi us insaan ke naam likh rahi hoon,

jise meri kahani me interest hi nahi tha.

Main uske liye royi…

uske liye ladi…

uske liye apne papa tak ko ignore kar diya.

Aur phir…

ek din…

main mar gayi.

Itna simple. Itna achanak.

Na koi goodbye.

Na koi last chance.

Bas… andhera.

Lekin kahani yahin khatam nahi hui.

Kyuki jab maine aankhen kholi…

main zinda nahi thi.

Main apne hi ghar me khadi thi…

aur log mere liye ro rahe the.

Main cheekh rahi thi—

“Papa… main yahan hoon…”

Par kisi ne nahi suna.

Kisi ne kabhi nahi suna.

Aur phir… maine sab dekha.

Sach.

Wo log… jo mujhe pyaar karte the,

aur wo log… jo kabhi karte hi nahi the.

Maine apne papa ko dekha…

mere room me… mere toys ko gale laga kar rote hue.

Aur tab mujhe samajh aaya…

main galat insaan ke liye jee rahi thi.

Aur sahi insaan ke liye… kabhi jee hi nahi paayi.

Us din…

maine sab kho diya.

Aur shayad…

ussi din maine sab samjha.

Par samajhne ka kya fayda…

jab sab kuch khatam ho chuka ho?

Ya shayad…

kismat itni bhi beraham nahi hoti.

Kyuki mujhe ek aur chance mila.

Is baar…

main uske peeche nahi bhaagungi.

Is baar…

main khud ke liye jeeungi.

Aur agar pyaar hua…

toh wo mujhe todne nahi…

sambhalne aayega.